东网电视
更多新闻短片
曼联想用海伦加现金换奥森汉。(Getty Images)
曼联今夏要搵个强力中锋，拿玻里嘅域陀奥森汉系主要目标，但又衰孤寒，据报“红魔鬼”打算用丹麦前锋海伦再加2,500万欧元现金(约2.1亿港元)作交易，分析指拿玻里唔可能答应。
英国传媒报道，域陀奥森汉属于意甲金靴级别前锋，今季外借到加拉塔沙雷仍交出30场25球5助攻出色数据，同拿玻里嘅解约金高达7,500万欧元(约6.35亿港元)，而且不可能减价。
至于曼联，打算用海伦加2,500万欧元交易，摆明系搵笨，因为海伦今季英超仅入3球，身价唔可能值5,000万欧元，如果佢哋想完成交易，必须再提高现金报价，另外仲要睇干地意愿，干地想唔想要海伦亦系问题。
