东网电视
更多新闻短片
阿历斯麦亚里士打人逢喜事精神爽。
正为阿根廷准备世杯外嘅阿历斯麦亚里士打，日前宣布即将荣升做爸爸，佢嘅女朋友Ailen Cova已怀有两人爱情结晶。麦亚里士打目前仍然孭住前女友索偿嘅官司，不过佢就表示唔担心，表明要同旧爱“各行各路”。
麦亚里士打同Ailen Cova喺社交网上载剪辑影片，内容包括麦亚里士打同Ailen见到验孕棒“有料到”后感动拥抱，又收录超声波检查嘅情况，仲有两人分别向家人朋友报喜后，各人喜极而泣嘅画面，相当感人。Ailen最后更宣布BB系女仔，麦亚里士打将会首度做爸爸。
麦亚里士打同Ailen嘅恋情有唔少争议，事关麦亚里士打原本同网红Camila Mayan拍拖，而Ailen就系Camila嘅闺蜜，两人搭上后麦亚里士打就“飞起”Camila。分手后Camila因爱成恨，公开指责麦亚里士打系“渣男”，更指呢位利物浦球星仍霸占佢部份财政，上年更入禀索偿过往陪佢喺外国生活嘅费用。
麦亚里士打早前曾就官司回应：“我同佢(Camila)已经冇任何关系，我哋各行各路，关于官司就等法庭解决。Camila决定将佢觉得发生嘅事公开，而我知道实情系点，所以我完全唔担心。”
