东网电视
更多新闻短片
1/2
今晚世杯外欧洲区G组次轮赛事，立陶宛主场斗芬兰。立陶宛7连败曳到冇朋友，反观芬兰首轮旗开得胜信心十足，有力乘胜追击，客胜有计。（周二凌晨1时开赛）
立陶宛自1990年独立后，从未闯入大赛决赛周，单睇上届世杯外8场输足7场。立陶宛喺2023年由赞加斯卡斯接手，呢位前国脚执教20场只得4胜5和11负，早前喺欧国联C2组就6战全败排包尾，日前世杯外首战临尾香以0比1不敌波兰，连输7场信心跌到新低点，绝对系“冇骨鱼腩”。
另边厢，芬兰虽然唔系乜嘢好货式，但话晒都入过2020年欧国杯决赛周，当年分组赛仲赢过丹麦，可惜未能跻身淘汰赛。佢哋今届世杯外有哈迪基、费特历赞臣、迪姆普基同普赞柏路等好手助阵，踢过英超嘅迪姆普基系芬兰史上士哥王（42球），哈迪基则属利华古逊上季荣膺双冠王嘅功臣。芬兰上场世杯外凭奥特文一箭定江山，作客小胜马尔他1比0，有助提升士气，此消彼长下，今仗可反客为主。
更多赔率：
