东网电视
更多新闻短片
耶马同云达华治隔空驳火。
西班牙新星拉明耶马过去1年极速上位，17岁已经系巴塞隆拿同西班牙嘅灵魂人物，日前欧国联对荷兰，耶马就同荷兰名宿云达华治“开战”，曾效力皇马嘅云达华治就寄语呢位超新星，小心自视过高“犯众憎”。
西班牙喺欧国联8强首回合打和荷兰后，云达华治批评耶马比赛态度差，结果次回合耶马加时入波，最后带领西班牙射赢12码出线，耶马入波后一度拉低条波裤庆祝，赛后佢就贴上呢张庆祝相，配上云达华治头像，明显系反击呢位荷兰名宿。
云达华治近日就“懒好心”回应：“我会建议耶马，唔好太在意一个超重前度球员嘅说话。喺17岁就受到万般宠爱，你会觉得世界围住你转，但呢个唔系事实。足球充满乐趣，但唔系世上最重要嘅事，如果你觉得自己系个神，你就会开始犯众憎。”
