东网电视
更多新闻短片
巴塞睇中富安健洋。
巴塞隆拿正在市场上物色右闸人选，据报体育总监迪高睇中阿仙奴日本外援富安健洋，近日派出球探到伦敦观察了解情况。
西班牙传媒报道，巴塞开始为来季组军，希望解决右闸短缺问题，佢哋现时多数由中坚祖利斯古迪出任右闸，而且该球员因为续约问题有意离队，因此会方打算重新物色右闸，迪高就睇中富安健洋。
26岁嘅富安健洋近年受伤患问题困扰，今季仅为阿仙奴上阵6分钟，早前佢喺个人IG宣布做咗膝部手术，今季提早收咧，其合约到明年夏天届满，如果续约，阿仙奴好大机会今个夏天将佢出售。
巴塞隆拿如果向富安健洋招手，估计球员会答应，而阿仙奴相信亦愿意以较低价钱出售，因为早前有消息指，阿仙奴已经打定输数，打算将富安健洋出售予日职球会，巴塞接手当然系好事。
