东网电视
更多新闻短片
阿诺特自由身离队令利物浦球迷非常不满。(Getty Images)
利物浦球星阿历山大阿诺特，盛传将喺夏天自由身加盟皇家马德里，消息曝光后大批利迷震怒，有人焚烧阿诺特件波衫抗议，亦有大批球迷要求将佢雪藏，不过“红军”名宿艾德列治就表示，球迷如果要发火，只能怪利物浦管理层反应慢。
现年66岁嘅艾德列治表示：“如果阿诺特真系去皇马，我会好心痛，但呢个系佢嘅人生，佢有自由选择点样去过。问题系利物浦2年前就应该同阿诺特续约，转会就好似玩啤牌，边个手牌靓就有叫价能力，2年前球会冇续约，到剩低1年你就被逼入墙角，依家搞成咁，要怪就只可以怪自己。”
艾德列治喺1987年至1989年效力利物浦，之后亦系转会西甲加盟皇家苏斯达，但艾德列治就话当时情况唔同：“我自细就系利迷，愿意为球队踢一世，不过当时领队杜格利殊讲明，鲁殊同比士利会系正选前锋，我基本上唔会有机会，所以我只能够转去西班牙。”
