东网电视
更多新闻短片
曼城33岁中场老将奇云迪布尼，周五（4日）于自己社交平台亲自发布公开信，宣布今季季尾约满后离队，为佢喺“蓝月亮”黄金10年画上句号。
迪布尼喺公开信中表示：“我亦开门见山，依家踏入我喺曼城生涯最后几个月，好感谢球队同呢度所有人畀我嘅一切，无论情唔情愿，告别时刻终于嚟到，我喺曼城10年赢尽一切，呢度永远系我家，让我哋好好享受呢段最后时光。”
迪布尼绝对系曼城近年称霸英超嘅最大功臣，虽然早年被车路士放弃，但于德甲禾夫斯堡打出名堂，2015年重返英超加盟曼城，开创黄金10年，赢尽16座大大小小冠军，单计英超就6度封王，其中缔造史无前例嘅英超4连冠，以及2023年首夺欧联冠军，而佢源源不绝嘅助攻，亦令射手艾宁夏兰特士哥不断。
