東網電視
更多新聞短片
尼高路簡迪上年仍能入選法國國家隊。(Getty Images)
法國名將尼高路簡迪2年前加盟沙特豪門伊蒂哈德，仍然交出高水平表現，估唔到呢位34歲中場有機會重返歐洲賽場，據報土超勁旅比錫達斯已展開斟介，尼高路簡迪亦願意減薪加盟。
土耳其媒體《Yeni Asir》報道，尼高路簡迪同伊蒂哈德合約去到2026年，不過呢位老將因私人原因想重返歐洲，為促成轉會願意放棄部份人工，而比錫達斯教練蘇斯克查，已將佢列為夏天收購主要目標，轉會談判亦已展開。
據報英超球會韋斯咸曾喺冬季轉會窗，試圖啟動尼高路簡迪合約內2,100萬鎊買斷條款，不過伊蒂哈德成功游說佢留到季尾，並同意會喺夏天嘅轉會費上作出協調，幫助佢實現返歐洲比賽嘅心願。
