东网电视
更多新闻短片
莫迪历荣升史云斯联合班主。
皇家马德里中场莫迪历荣升班主！39岁嘅克罗地亚传奇莫迪历周一(14日)宣布，佢已入股英冠球队史云斯，成为呢间威尔斯球会嘅联合班主之一，不过今次投资唔会影响佢嘅足球事业，莫迪历仍然希望继续留效皇马。
史云斯上年11月被高汉等多名商人组成财团收购，估唔到莫迪历亦有兴趣加入，莫迪历喺声明中表示：“呢个系令人兴奋嘅机会，史云斯系有名气嘅球会，有非常之多嘅球迷，而且有喺顶级赛事比赛嘅雄心，我相信我嘅经验可以帮到球队，我嘅目标系支持球队壮大，打造令人兴奋嘅未来！”
史云斯行政总裁高宁治亦表示：“无人比莫迪历更适合做史云斯球员嘅模范，佢对球会雄心嘅肯定，以及对史云斯嘅支持，将会系我哋球场内外实现目标嘅重要因素。”报道未透露莫迪历嘅投资金额，但呢位中场未打算做“全职老板”，佢仍然希望同皇马续约，下季继续以球员身份比赛。
