【有片】爭分跑打吡 加州議長泥地都唔放過

英國嘅大不列顛錦標向來係香港馬主練馬師嘅揀蟀場合，有啲自購馬好似「美麗之星」、「包裝鬥士」、「軍歌」，嚟到香港都有好表現，自然吸引更多馬主喺呢場比賽揀馬。上年嘅大不列顛錦標，暫時有三匹馬到咗香港，頭馬「赤兔寶駒」未跑過，不過近期已經密密試閘準備出擊。跑第六嘅「喜旺寶」喺上個星期六贏馬，目標指向四歲經典系列。

至於「加州議長」就會喺周三出擊，不過又會跑泥地咁得意嘅？「加州議長」本身父線係美國殿堂級種馬「巨人長堤」，照計跑泥地就冇問題，況且依家正值為打吡爭分嘅重要時刻，斷估告仔唔會打無把握嘅仗啩？一於就先贏呢場三班賽，然後再向打吡進發！

馬上去片↓↓↓