【雅士谷之子】差1W夠60 戴圖理今晚贏夠數

英國雅士谷馬場果然係戴圖理嘅福地，1996年佢就喺呢個馬場包辦全日七場頭馬，造就難以置信的"Magnificent Seven"。輪到尋日皇家雅士谷賽期，呢位雅士谷之子繼續發威，憑「花萼」、「籠中馬」及「帝主峽」連中三元，反而莫雅就食白果，形成極大對比。

翻查資料，計埋尋晚嗰3W，原來戴圖理喺皇家雅士谷賽期已經累積59場頭馬，即係只爭1W就達60大關，今晚佢喺第二天賽事亦手執重兵，當中包括角逐1993米一級賽威爾斯親王錦標嘅「金庫神偷」，相信佢應該可以順利達標啦。