東網電視
更多新聞短片
悉尼前領騎師薛恩今朝試閘墮馬，脊椎驗出有兩節骨裂。
悉尼前領騎師薛恩今朝響蘭域馬場發生嚴重墮馬意外，響今朝舉行嘅試閘，薛恩於第十組策騎Pacific Legend，於出試途中因馬鞍滑移墮馬受傷，雖然薛恩躺在草地上保持清醒，但向駐場醫護人員表示頸部感到疼痛，隨即送往醫院進行詳細檢驗。
薛恩經理人Glen Courtney對外表示，經過醫生檢查傷勢，證實其墮馬後出現腦震盪，而且脊椎C1與C3兩節有骨裂，雖然並無生命危險，但仍需接受連串測試，評估今次傷勢之嚴重程度，相信有一段長時間不能上陣，隨時會緣盡今年春季嘉年華。
澳洲馬季剛開鑼，外圍庄家視薛恩為布文與麥道朗之後，競逐悉尼冠軍之第三熱門人選，而騎者在新馬季復出不久，騎過七場賽事，只得一次第四，如今遭逢嚴重墮馬意外，雖然復出無期，已算不幸中之大幸。
薛恩試閘墮馬片段(片段來源：Herald Sun)：
