【我們結婚了】蔡廐副練伍鵬志娶前女見習學員

臨近年尾亦係結婚旺季，馬圈立即迎來一件喜事，就係退休練馬師兼本報名家伍碧權兒子，目前於蔡約翰馬房擔任副練嘅伍鵬志（Pierre），已入紙同前女見習學員王麗銀(Silver)於明年一月底註冊結婚，真係恭喜晒喇。

於馬圈工作多年嘅伍鵬志，曾擔任蘇保羅馬房副練四個馬季，兼協助短途好手「友瑩格」遠征海外。隨住羅富全上季升正，伍鵬志則轉任蔡約翰馬房副練，而近年先後有容天鵬、羅富全以蔡廐副練身分升正，伍鵬志前途亦無可限量。

至於王麗銀入行前曾是香港武術散打冠軍，2010年成功考入馬會見習學校成為見習學員，可惜於新西蘭受訓期間墮馬受傷，不得不放棄騎師夢，但仍繼續在馬圈工作，目前於沈集成馬房擔任策騎員。