【損失慘重】賽事無效 莊家彩已派無得回收

話說前日香港先發生一單投注人士中空寶，原本已獲派的彩金，因賽果被修正，結果被馬會扣回的事件，料不到昨日在愛爾蘭KILLARNEY馬場又發生一單類似事件，不過那邊的受注的博彩公司及莊家就無香港馬會咁好彩，不單止派咗出去既彩金未能收回，而且因賽事宣布無效，要向投注人士退回所有注項，損失慘重。<br/><br/>賽事宣布無效既原因，係原本大勝五個馬位的賽駒，出閘偷步，但在賽事完結之後20分鐘，才被監場董事裁定因不公平出閘，宣布賽事無效，博彩公司及場內莊家在賽後已隨即派彩，最終未能收回，仲要回水畀退飛人士，據悉錄得六位數字損失。<br/><br/>另外，有份派馬參戰的練馬師及馬主亦見財化水，其中一位練馬師旗下一對賽駒分別跑第四及第五名，原本可獲得接近1000歐元獎金，但因賽事無效，一毫子獎金都無，白行一趟，仲要給予騎師策騎費，賠了夫人又折兵。