東網電視
更多新聞短片
艾道拿今季有望初嘗悉尼冠軍騎師滋味。
1/2
香港馬季剛結束，潘頓同莫雷拉響騎師冠軍爭奪戰，就要鬥到最後一個回合先至分高下，相當嚟講，將於月尾收鑼嘅澳洲馬季，悉尼同維省兩大重鎮嘅冠軍騎師之爭，反而相當明朗化，數字上其實都已經各有最終勝利者。
當中悉尼方面，年青好手艾道拿目前以90場頭馬，以14W之距，領先居次位薛恩76場頭馬，由於只剩下三次賽期，相信薛恩要反先不易，而艾道拿今年首度榮登悉尼冠軍騎師寶座，其實去年成績一直領先，可惜最終卻為布文後來居上，然而布文今季曾往日本客串及自行休假，變相自動放棄衛冕機會。艾道拿今屆可以坐正，早前更獲得日本中央競馬會批准，八月分前往當地客串三個月，正好以這分最佳禮物慶祝今次獲獎。
至於維省方面，香港馬迷熟悉的韋紀力以59W領導群雄，緊躡其後的連達文暫有50W，由於賽期無多，後者也難望有奇跡出現，預料韋紀力今屆可以順利蟬聯維省冠軍銜頭。
韋紀力大可篤定蟬聯維省冠軍騎師頭銜。
