【搵坐騎如輪街症】香港做騎師搵食艱難

喺現今嘅香港，各行各業搵食艱難，就連出名好搵嘅馬圈，一樣唔似以往係鐵飯碗，尤其係騎師呢個崗位。<br/><br/>上季潘頓、莫雷拉一共贏得270場頭馬，超過全季頭馬總數三分之一，其他騎師莫講話贏馬，想搵一匹實力坐騎簡直難過登天。柏寶、杜利萊黯然離開，郭能成績大不如前，祈普敦更加大跌Watt，就連貝湯美與大摩解約後，成績亦未見突出，新季回歸澳洲發展。<br/><br/>雷神新季不在港長期策騎，意味着134場頭馬會分番出嚟，個個騎師都覺得自己可分一杯羹，但幻想真係咁美好嗎？不要忘記下季有大受歡迎嘅巴度重臨客串，而傳聞仲有蘇兆輝長期搵食，加上麥偉利、利敬國呢啲可騎輕磅馬嘅騎師，預期競爭一樣咁激烈。騎師們除咗要打好公關牌之外，陣上無保留拚搏，留下好印象尤其重要，否則好快遭淘汰，共勉之。