東網電視
更多新聞短片
蔡約翰今期5匹從化兵，全部今朝先喺從化踱步，然後即日運返香港。
1/3
啱啱沙田泥地夜賽，蔡約翰4匹從化兵上陣，結果憑「估惑」及「旋風腿」攞到1冠1亞，成績唔錯，前駒亦成為首匹為蔡廐建功嘅從化兵。
嚟到今個禮拜日沙田賽事，就有14匹從化兵出賽，其中「中華主將」、「請跟我來」、「紅運發財」、「邊個邊個」及「勇闖者」5駒都係嚟自蔡約翰馬房。而呢五隻馬都有一個共通點，就係今朝先安排嘅從化機坪踱步，然後先上車運返香港，部署較晒特別。值得一提，「請跟我來」早前喺從化試閘跑贏「估惑」，今次強配蘇兆輝再跑田草1400米，不能忽視。
至於今季輸咗兩場嘅「紅駿之星」，早排亦運上從化操咗兩個星期，睇吓今次改配史卓豐又跑成點？
「請跟我來」(最外)早前從化試閘跑第一。
周日賽事從化兵資料。
