【老苗開心吧】騎師賽贏過布文雷神 南非杜美爾勞動節到

最近多次提到依家唔夠騎師用嘅苗禮德，今日終於收到好消息，事關牌照委員會公布向南非騎師杜美爾發給馬會騎師牌照，有效期由5月1日至季尾。既然多一位同鄉加入騎師陣營，相信苗禮德應該滿意吧。

啱啱上個月滿咗32歲嘅杜美爾，自於2010年榮膺南非冠軍見習騎師以來，逐漸打響名堂，現已躋身南非頂級騎師之列，至今累積980場頭馬，同時贏過三項一級賽冠軍，包括憑Martial Eagle攻下2013年大都會錦標、夥拍Silver Mountain勝出2015年開普雌馬堅尼，以及策騎「步驚雲」摘下2019年馬略卡錦標。

此外，杜美爾已取得10項G2冠軍和16項G3頭馬，他曾於2018年新加坡國際騎師挑戰賽，成功擊敗布文、莫雷拉等好手奪得冠軍，因而揚名國際，而他所申報的最低出賽造磅為119磅。