東網電視
更多新聞短片

周日十場賽事都有獎項,又可見到盃王大摩(前排左)連場走上頒獎台。
1/3
蔡約翰早於二月已拋離最接近的對手15W以上,看似可以首度四連冠之餘,兼11度成為冠軍練馬師,但近一兩個月,攻勢明顯放緩,被緊隨在後的羅富全及大摩步步進逼,現時雖仍以60W穩居榜首,但只領先第二位的羅富全七場頭馬。蔡廐現時正回氣等待季尾最後一輪攻勢,羅、摩兩廐則磨刀霍霍,看部署仍會趁對手喘息而繼續強攻,尤其是摩廐,今期出馬十二匹,乃各廐之冠。大摩下季之後將會退休,他必定希望在離任之前,再度登頂。
大摩季內累積50W,落後老蔡十場,今戰不單出馬多,實力馬亦眾,並起用潘頓及莫雷拉兩大冠軍騎師,連場數胡並不意外,應可拉近與榜首的差距。第六場「好運」在蘇偉賢馬房時已露一手,只是稚氣仍重,表現不穩定。轉廐後,大力打磨,埋門試大閘,走勢暢順,首次佩戴羊毛面箍,對此匹出賽只六次的質新馬必定有幫助,抽四檔好位,可望轉倉即勝,省靚馬房招牌。
第十場「勁揪」在港唯一頭馬就是在今戰的2000米賽事取得,此匹尺寸馬不易發揮,今仗一早卜定潘頓,賽前更試一課大閘,摩廐搏馬常見手法。試閘的1200米路短亦撲上,佳態洋溢,同場強手無多,不勝有位。

「好運」首次佩戴羊毛面箍,競賽情緒可望更集中。

「勁揪」(烙號111)賽前試1200米閘,路短亦撲上,狀態大勇。