東網電視
更多新聞短片
呂健威成績向來平穩。
1/3
呂健威近季成績平穩，不過響新馬成績方面，上季就有新突破，兩匹首季服役新馬，「金鎗六十」三連勝加至75分，而「勝利風範」季尾連捷，亦都加至71分升上三班。
相比呂健威過往對於新馬操練部署，能夠首季即勝案例唔算多，更遑論連場報捷，而去季一下子出現呢兩匹揀手貨，原來都係出自2017年新西蘭舉行嘅Ready To Run兩歲馬拍賣會。
其實呢個拍賣會，都係香港練馬師近年入貨嘅重點拍賣會，一來比起澳洲方面，馬價較平，而且兩歲馬可以即買即用，姚本輝近幾季都可以係呢個拍賣會馬嘅大買家，去季冒起短途新星「遨遊戰士」，都係同威哥「金鎗六十」與「勝利風範」，出自同一年期貨源。
威哥一下子有兩匹PPG精英省靚招牌，新季仲有唔少呢個貨源嘅揀手貨，時刻要吼實，當中就有與「金鎗六十」、「勝利風範」同期，尚未出賽嘅廐侶「紫菜福星」，而暑期抵港嘅新馬D102，則係響2018年Ready To Run拍賣會購入，兩駒新季大有機會露鋒芒，成為呂廐數胡秘密武器。
「勝利風範」
「金鎗六十」
