東網電視
更多新聞短片
馬上去片↓
剛周六田草賽事，最矚目嘅除咗有田泰安一日五捷之外，仲有佢！咪就係韋達囉，佢呢日都相當黑仔，派出四駒出戰，竟然有三隻跑第二返嚟，成績雖然唔錯，但差少少就贏到，條氣就點都唔順，難怪韋達面燶燶。
不過周三谷草賽事，韋達將兩匹季內贏過嘅馬列為王牌，包括「明月昇輝」同埋「興爾」，「明月昇輝」將會列陣第二場五班1200米賽事，喺開鑼當日於貝力斯胯下贏出賽事，呢匹馬仲要係韋達從練以來第一W。之後嘅晨課，練者都親自操練此駒，重視程度可見一斑，今仗繼續交畀貝力斯執韁，加上抽得5檔尚算唔錯，大有機會喺谷草爭取連捷。
至於「興爾」將會列陣第八場三班1650米賽事，喺谷草開鑼日，「興爾」喺沈拿胯下取得1W，雖然此駒仲有口勁較重嘅問題，但賽後練者都講過佢仲有進步空間，今次抽得2檔好位，睇吓「興爾」有冇進步到喇。