【有片】Yellow Object幫手 菜七子獻出第一次

菜七子贏東京盃片段：<br/>http://bit.ly/2prRrUZ　<br/><br/>目前日本中央競馬會唯一女將藤田菜七子，成績愈嚟愈好，今年佢已經攞到30場頭馬，打破自己保持嘅女騎師一年頭馬最多紀錄。尋晚菜七子就轉戰大井競馬場，參與地方競馬會嘅賽事，結果喺1200米泥地日本二級賽東京盃，夥拍好拍檔「活蹦雀躍」一放到底，兼且攞到佢出道以嚟首場分級賽勝仗，真係夠晒意義。<br/><br/>「活蹦雀躍」呢件黃色紅間綵衣，似乎特別旺藤田菜七子，事關自從佢接手呢匹4歲馬角逐一級賽二月錦標取得第五名後，近兩次轉爭地方競馬會嘅分級賽都可以入圍，尋晚出戰東京盃更被捧成大熱門，結果大炒對手4個馬位，攞到個人首場分級賽頭馬，難怪佢賽後咁開心啦。