【張怡寧魔王退役】白頭佬7捷馬 同各位Bye Bye！

賀賢馬房好馬「勝利仔」，昨日入紙退役了！呢隻栗色靚仔馬，在港服役共贏過七場頭馬，累積獎金更逾八百萬，而「勝利仔」早輪復出在潘頓胯下跑第9後，雖然驗唔到有唔妥，但可能年紀大戰力減退關係，馬主安排佢除名也是合理。賀賢另一駒、前奧運乒乓球女單金牌得主張怡寧老公的「快樂魔王」，則以21戰不勝出局，尚有葉楚航馬房的「好客本色」，同是以22戰處女馬身份退役。<br/><br/>至於從未入三甲的鄭廐馬「正時機」，則入紙過檔葉楚航，呢匹五歲馬季內初出跑第5，相信轉倉有望續進步，而米高鄭少了此馬後，現時馬房兵力剩下41匹。