【有片】響應罷工？巴基之星陣上又拉停！

早兩季試過陣上罷跑嘅性格巨星「巴基之星」，今日又故態復萌，再一次罷跑！已轉投蘇廐兼已跑過多仗的「巴基之星」，是日出戰馬會短途錦標1200米，臨場為15倍冷門，排1檔起步嘅佢，本來尚可與其他馬一齊出閘，但跑咗幾步「巴基之星」已經唔肯展步，最後在新拍檔、悉尼冠軍騎師薛恩胯下「罷工」拉停，馬主丁志強喺看台上再一次目睹愛駒發老脾罷跑，心情當然差喇，而由於「巴基之星」已有前科，當時更要試足四課大閘先可再出賽，咁今次第二次罷跑，競賽小組要點先畀「巴基之星」出賽？定還是要強制退役？呢一刻真係好難講喇！