【戰況R6】有片！幸福系今季第5W 呢場含金量最高

今屆一月盃係首次有外隊馬參戰，澳門馬王「聖靈之都」猛龍過江仲要配埋雷神，不過澳門馬水準如何真係大家心照，加埋因隔離問題「聖靈之都」仲要搞一大輪先跑，大熱跑第三已算有交代，至於今季大豐收嘅「幸福」系今場有「幸福分享」列陣，何澤堯好辛苦咁節食造磅果然有回報，呢匹落飛馬喺中檔衝贏晒對手，馬主黃凱汶今季名下馬贏第五場旺到爆，「協霸神駒」跑第二，第四名「馬克羅斯」。

呂健威話「幸福分享」贏到G3好開心，今季4場跑得一般，一來因為賽程唔啱，隻馬跑谷草會比較好；二來係隻馬得九百幾磅唔大隻，負輕磅會較好。今次除咗舌帶，因為呢匹馬唔太鍾意受約束，試完一次唔啱所以除番。未來部署要再視乎賽程。

第六場賽果：8-6-5-2

組合獨贏3揀1賽果：A2(最後賠率1.8)