好好學習省招牌 嘉琦再引入兩匹新馬要吼實

前女見習騎師蔣嘉琦，因傷退役之後，在賽馬行業另一崗位闖出一片天地，目前擔任馬販的她，專職為馬主們挑選引入優質賽駒，呂健威旗下今季出道暫時取得兩勝的「好好學習」，便是嘉琦的揀手貨，為她省靚招牌。

嘉琦揀馬咁有眼光，佢引入的新馬定必要吼實。今朝沙田馬場試閘，原來有兩匹試閘的新馬亦是由她引入，所以嘉琦亦有到場，更陪伴馬主在側，親身視察馬匹試閘進度。講咗咁耐，大家一定好有興趣想知道嘉琦繼「好好學習」，引入另外邊兩匹新馬?就是賀賢旗下三歲新西蘭新馬「日就月將」及沈集成訓練的70分澳洲自購馬「行雲流水」，今朝嘉琦陪伴的兩位靚女馬主，就是「日就月將」馬主蒙德揚的兩位女兒。