【戰況R7】霍利時：希威森工作態度好過某騎師

希威森首次來港客串，至今只贏過一場頭馬，經常被戲稱為失蹤人口。今場佢策騎40倍冷門、九歲嘅「奇真」，克服10檔沿途放頭，結果一放到底贏馬。大熱門「童話」直路不斷內閃，潘明輝雞手鴨腳之下只跑第二。今場跑第三名為「翡翠福星」，「勤德兼備」今仗因應排好檔跟前咗，但只得第四名。

霍利時話「奇真」狀態好，健康亦無問題，希威森跟足策騎指示。佢仲讚希威森喺殘酷環境之下，工作態度比好多騎師都好。希威森就話佢認識霍利時個兒子，好享受首次喺跑馬地贏馬，因為上次贏「興爾」開齋時都有啲壓力。

第七場賽果：10-12-9-1

組合獨贏3揀1賽果：A(最後賠率)