東網電視
更多新聞短片
史卓豐喺啱啱嘅沙田日賽五班1000米賽事，騎住隻「哈蝦王旺」爆25倍冷贏出賽事，贏埋呢隻「蝦」，騎者已經連贏六日，手風大順，佢仲有嘢想講！
豐豐：「我一直盡力策騎，並向不同練馬師爭取支持，幸運地交出好表現，希望能延續勝勢！」
其實豐豐喺今年年頭，兩度曾經被罰停賽，加埋有成八日咁多，但騎者刑滿復出之後都不愁無支持，近期更同蘇偉賢、羅富全、高伯新重新合作取勝，與大摩贏「辣臣」更係今季首勝，個個都Reconect成功！早前騎者更獲苗禮德解凍，提供番唔少坐騎畀佢，騎練頻頻有交收，今期老苗再提供實力馬「怡昌飛駒」畀史卓豐，呢匹馬將會出戰第二場四班1200米賽事，今季出戰三次，獲一冠兩亞演出準繩，雖然「怡昌飛駒」今次抽9檔，仲要係今季首次出戰谷草夜賽，但呢匹馬勇況搭夠，加上騎者呢排勁旺，有望幫「怡昌飛駒」贏多1W呀！