東網電視
更多新聞短片
1/8
兵力足，分布廣，頭馬數目穩定。前十，經常；前三，兩次；第一，未試過，但唔代表唔得。實而不華，沈集成是也！
沈廐暫得一駒試閘，莫非今季玩留前鬥後？其實，季季如是，無阻季初搶攻節奏，急先鋒繼續勇往直前。
開操至今，已有多駒跳了三、四課，弗馬此中尋。「行星夢」與「帝豪寶寶」拍跳，用上莫雷拉同潘頓，唔係玩玩吓，兩駒都試過開季首戰即勝，跑新鮮，掂！
每季第一盃（特首盃），近四屆沈集成贏三屆，前季落空只因冇馬出，上季更串馬房Q，今季已有出擊腹稿，衞冕「帝豪福星」用賀銘年，「最合拍」配巴度，食過翻尋味。
上屆特首盃跑出沈廐Q，「帝豪福星」搭「四季旺」。
明星馬「小太陽」跳過三課。
「最合拍」配巴度兩戰兩勝，人馬最合拍。
沈集成同潘頓默契最好。
