東網電視
更多新聞短片
剛戰谷草夜賽淨係得3個騎師識贏馬，講緊嘅係潘頓、莫雷拉、巴度，前2位更大演帽子戲法，熱門客應該都得心應手喇！但係呢3位騎師，就打斷7磅仔周俊樂唔計停賽、連贏8期嘅佳績，周三晚佢只係得2Q1P咋！
周俊樂喺短短2個幾月裏面已經贏咗17W，現時排緊喺騎師榜第5位，但因為佢仲係見習騎師，所以冇得參與國際騎師錦標賽。雖然騎者成績唔錯，但佢今季係仲未幫師傅韋達贏馬，騎練合作16次一共取得2Q4P成績。
今期沙田日賽，韋達6駒正選列陣，將5駒交畀徒弟執韁，今期大有機會攜手合作贏馬，第2場五班1400米草地，韋廐「明月昇輝」季內4戰有2戰入位，加上周俊樂早前已經為此駒操刀，知道馬性，「明月昇輝」亦係練者從練以嚟第1場頭馬，若然徒弟為師傅再贏呢匹馬，認真別具意義啦！