【唔止退出國際賽】曾是打吡要角 達龍駒11連敗出局

前屆2019年度打吡盟主「添滿意」，今年狀態復甦連捧2大盃強勢進軍國際賽，但大家記唔記得同佢打吡同屆的「達龍駒」？呢匹前羅廐、現時隸屬希斯馬房的名氣馬，馬迷曾經寄予厚望，2019年香港經典盃奪亞軍後，打吡戰賠率更熱過「添滿意」，可惜當日跑唔贏廐侶只得梗頸4，之後狀態轉沉，已經錄得11連敗，剛剛馬會盃更在楊明綸胯下跑第11，賽後唔單止退出國際賽，結果今日「達龍駒」更安排退役。

另外賀賢馬房的「龍鳳情祥」，今日轉投文廐，呢匹曾經在四班連捷之馬，現時已跌到31分，睇吓新練者搞唔搞得佢掂？不過文家良是日有匹未命名的E291取消登記，意味已離世，相當可惜。