東網電視
更多新聞短片
視頻觀看次數: 12.9k
2020已經到尾聲，因為疫情關係，今年大部分時候馬場都係冷冷清清人流唔多，希望2021年疫情早啲緩和，大家可以入場觀賽。
好運1月1沙田馬場上演11場草地賽，講到明好運1月1，當然有新年大賞，幾個彩池加埋有3600萬大賞，大家若然有心水都不妨玩吓，睇吓自己好唔好彩！周五2場G3賽事出馬都唔多，好似第3場1000米洋紫荊短途錦標只得5匹參戰馬，「錶之智能」今屆已經喺G3 1000米國慶盃贏過馬，但當時係負輕磅咁彈甩贏，雖然今場要孭頂磅上陣，但近5屆嘅冠軍都有「新力風」同「華恩庭」，孭住頂磅咁贏，「錶之智能」勝在夠後生，加上健康冇問題，當打狀態，跑番季初嗰場都有力爭勝。
第8場1400米華商會挑戰盃，上屆「金鎗六十」就係喺呢場賽事好輕鬆咁就贏咗，如今「金鎗六十」已經成為G1賽駒，非常犀利。今年華商會盃少咗「金鎗六十」，但亦都有2匹新星「達心星」同「夢想成金」對撼，呢2匹馬都係劍指經典一哩賽嘅馬匹，但「達心星」喺其士盃贏過1600米，氣量有根據，雖然今次升班挑戰，但輕磅加埋排1檔起步，隨時有殺着。至於「嘉應之星」今季已經喺2場G2賽事，同「金鎗六十」串咗2次Q，今場冇咗「金鎗六十」，級數秤先，三甲都要包番呀！
