東網電視
更多新聞短片
1/2
疫情籠罩全球，2020年過得並不易，新年新開始，祝福大家身體健康。今次賽事除初出新馬多外，明星馬亦不少，兩場三級賽出馬不多，第8場華商會盃上屆由「金鎗六十」勝出，今年何澤堯則以不敗之師「夢想成金」衞冕。「金鎗六十」去年以此賽作試金石，結果擊敗年長馬初贏G3，之後平步青雲包辦4歲馬系列大賽，助新西蘭2歲Ready To Run拍賣會省靚招牌。記得「金鎗六十」拍賣前試跑200米造到10.48秒，時間快未必保證一定成才，但起碼多為一匹早熟馬。
第10場「騰飛塔」於同一拍賣會售出，會前更跳到10.29秒，結果較少於此拍賣會入貨的香港馬會亦以25萬紐元投得，在港再以400萬港元轉手。南半球8月出世早胎馬心智較同齢馬成熟，初出輕鬆取勝，上次加至133磅排外檔難度高亦只僅敗。今次升班加程跑1400米，以其父「中心點」本身是1400至一哩能手，母線亦具長力，蘇偉賢部署合理。
夢想成金增程勝任
前文提及「夢想成金」，今次亦作增程挑戰，作為一匹星級短途馬，但從未試過贏超過兩個馬位，而且多要時間撻着才大步衝刺，在其身上不會見到子彈短途馬的變速，每次都點到即止，跑法上愈來愈斂。雖然其父「遙遠星空」服役時亦未跑過1400米，但其實同父線的種馬如「摘星勇驥」、Shooting To Win等子女不少亦有一哩長力。加上「夢想成金」外祖父為冠軍種馬「丹山」，多跑200米甚至爭一哩相信亦可應付，但打吡2000米則太勉強。羅富全出3駒兼有「黃金甲」在前，「夢想成金」跟二三位會好易跑，上次擊敗「顯心星」，今次再決戰「達心星」，精彩可期。
