東網電視
更多新聞短片
1/7
早排成日輸2倍以下W包括「大眾開心」、「連連歡樂」、「時時精綵」嘅潘頓，今晚第2場又有「上校」臨場落重飛打到落1.9倍，不過潘頓近期狀態返晒嚟，呢隻姚廐季內曾勝馬冇走雞，沿途雖然在快步速下跟第3位，但入直路初潘頓唔力騎，去到最後200米先全力施為，最終壓下雷神亞軍馬「合約精神」同季軍彭國年匹「鐵胆威龍」，自己頭馬升上43W，同榜首雷神距離拉返去廿場，兩人今季亦埋到21條Q。
贏到今季第14W嘅姚本輝，話今日有兩組四班1200，梁家俊要騎番「木火同明」，又撞咗組，咁啱搵到潘頓所以今場就合作，潘頓輕輕留一留，隻馬都衝得幾好，今季2W主要係隻馬成熟咗，升班會跑住谷1200先，跑到咁上下再決定返唔返沙田或增程。
第2場賽果：3-7-10-4
組合獨贏3揀1賽果：A1(最後賠率1.7)
二重彩賽果：3-7(最後賠率14)
