【戰況R4】勁到癲！神蘇幫韋達贏出首項分級賽！

李嘉欣名下馬「玖寶」，用過雷神甚至莫雅都搞佢唔掂，在港16戰仍未開勝門，今晚呢匹難贏馬再度出戰1月盃1800米G3，十三少找到神蘇蘇銘倫，結果終於打開缺口了！

呢匹臨場3.9倍第3熱門，排2檔起步冇耐神蘇已經安放在中後列外疊生位，神蘇出色韁繩亦令「玖寶」留得極舒服，到彎位順勢飛出中檔，發力點一流下爆出最強後勁，任潘頓大熱門「龍鼓飛揚」點追，都未能過頭呀，最終呢匹法國分級賽亞軍自購馬，在港一贏就係捧三級賽，呢場更係練者韋達從練以來首項分級賽勝仗，佢一定錫晒蘇銘倫了！而大家都期望許晉亨同李嘉欣到場拉頭馬，但對唔住，兩位今晚係冇到呀~

至於跑第3、4名，就係一度出頭的「星洲司令」及巴度匹「協霸神駒」。

第4場賽果：5-6-4-3

組合獨贏3揀1賽果：A1(最後賠率1.7)

二重彩賽果：5-6(最後賠率16)