東網電視
更多新聞短片
今晚憑「玖寶」捧一月盃嘅韋達，賽後話隻馬上場輸得有啲冇運，但衝刺非常好，狀態保持，以往隻馬有健康問題，花咗一段時間去改善。而尋日有山火，直升機不停來回馬場，隻馬對聲音又好敏感，驚影響到佢呀，不過好彩今場都交到好表現。
韋達同蘇銘倫以往係競爭對手，如今以不同身份一齊捧盃，韋達覺得意義重大，蘇銘倫係一個好犀利嘅運動員，騎功亦非常出色，且擅於思考，同佢合作都好開心，但韋達就話曾經因為一件事而冇同蘇銘倫傾偈一段時間，但如今已和好如初，至於邊件事？十三少就冇繼續講落去，大家估吓喇！
