新西蘭入貨收穫豐 馬主尾場狂舞慶祝

今年疫情影響下，大多數拍賣會都係以視像競投，正如由剛周日開始於新西蘭舉行嘅卡拉卡週歲馬拍賣會，有唔少練馬師同本地馬販入貨，競投過程激烈。<br/><br/>講到買馬，近年已經唔係練馬師嘅壟斷生意，不少本地馬販湧現，而且部分更係馬主雙重身分，世界各地都有養馬，累積經驗多，相馬都有番咁上下。正如今晚尾場三班谷草1650米嘅「狂舞派」，馬主周邦華就係代表人物，呢幾日佢喺新西蘭卡拉卡周歲馬Book 1拍賣會，一口氣掃走9駒，成為入貨最多香港買家。<br/><br/>忙完公事，今晚變番馬主身分，名下「狂舞派」剛戰跳級跑G3一月盃，以為捉襟見肘，點知可以跑第5攞番啲獎金，就連「馬克羅斯」都要喺佢之後過終點，證明本身谷戰的確有其能耐，幕後剛於拍賣會大豐收兼使咗筆錢，今晚享受吓跑馬樂趣，如果可以食尾胡就最理想不過啦。