與摩加利和平拆夥 大摩要自組馬房

上季正式喺香港退休嘅傳奇練馬師大摩，喺今年初返回澳洲，除咗立即去拍賣會入貨，同時亦要打理佢同細佬摩加利合組嘅馬房事務。不過，日前澳洲傳出消息，摩加利向當地傳媒透露，佢同大摩已經和平分手，大摩同時亦接觸新南威爾斯賽馬會，查詢自組馬房嘅事宜，同時佢亦打算於昆士蘭設廐。至於摩加利就會專注於自己位於玫瑰崗嘅馬房工作。

據悉，大摩今次返回澳洲，已經得到不少香港馬主支持，而澳洲當地傳媒認為大摩長遠目標係希望協助兒子喬治日後有機會來港開倉。