【戰況R5】潘明輝一句說話 源源動力泥轉草贏

周俊樂尚欠1W畢業，第5場佢策騎「順意寶」，可惜直路被潘頓「無可限量」刪咗個位，要兜出去望空衝刺，結果後上不及僅跑第2。今場頭馬為潘明輝之「源源動力」，此駒出閘即搶前放頭，最後頂到尾影相勝出，騎者亦打開今季勝利之門。「無可限量」跑第3，第4名為「怪獸奇兵」。

賽後，羅富全話「源源動力」上場跑完泥地，騎師匯報話隻馬唔鍾意泥頭太鬆，跑田草較合腳法，而今場贏馬有啲運，跑多步都輸。「源源動力」係大步馬，需要自己放頭大步檻會好跑好多，但由於出閘唔快，長遠可能考慮增程。

至於馬主謝偉俊表示，「源源動力」狀態不俗，草地硬番少少較適合愛駒。謝偉俊太太白韻琹今日亦有陪同入場，但她影相時一度把口罩除掉，經馬會職員提醒下才重新戴回。

第5場賽果：10-2-4-4

組合獨贏3揀1賽果：A2(最後賠率2)

二重彩賽果：10-2(最後賠率45)