JRA史上第5人 福永佑一從騎第2500W

尋日日本中京競馬場舉行嘅重頭戲G2神戶新聞盃，焦點當然落在贏完日本打吡，相隔4個月後復出嘅「大帝」。不過，「大帝」呢場表現就麻麻，大熱門跑梗頸四，唔知係咪初跑軟地，對於變化地適應一般，今次輸番畀打吡跑第三，分屬蹄下敗將嘅「星光速」。<br/><br/>雖然福永祐一未能再替「大帝」揚威神戶新聞盃，不過呢位型男中佬，尋日亦攞返個安慰獎，喺第4場泥地1200米新馬賽，策騎Dry Stout後上贏馬，摘下佢個人從騎第2500場勝利，成為JRA賽馬史上，第5位贏達此數目嘅騎手。<br/><br/>以現時日本馬圈競爭，福永祐一近年一直企穩前列，仲被視為大賽騎師，贏過無數大賽，如今44歲，依然大把世界，而佢就感謝練馬師北橋修二與瀨戶口勉多年以來嘅支持，為佢策騎事業打好鞏固基礎。