東網電視
更多新聞短片
呂健威咩事咁高興？
1/3
今朝大圈快跳馬匹極踴躍，其中呂健威安排多匹周日沙田賽事的參戰馬試跑，練者為免走雞，同埋做得太張揚，索性全程在烽火台觀操，未有動身前往機坪接馬，而莫雷拉同潘頓呢兩大高手亦相當畀面，先後親試「勇創派對」（第4場）同「超好日子」（第2場），兩駒走勢同樣悅目，且看兩位炙手可熱的騎師，能否同時與威哥攜手取得季內合作首W。
到了中場休息時間，潘頓見威哥遲遲未有現身機坪，遂主動前往烽火台搵佢匯報「超好日子」，點知傾唔夠兩句，威哥立即出現腰果眼，可見騎者講完單超好消息畀佢聽。觀乎「超好日子」曾在頓哥胯下兩戰未勝，惟仍鍥而不捨再揀騎，似乎睇通此駒今戰落四班跑會有利，話晒曾經與三班頭馬「南莊之歌」於田草1400米串Q，今戰可謂虎入羊群！
原來係聽完潘頓(右)匯報「超好日子」。
「超好日子」今朝由潘頓試跑考驗，腳法瀟灑兼有力。
