是日多達6駒退役！高廐二哥同各位拜拜

2021年就過，今日有多達6駒除名，高伯新倉內第2高分馬「大籐王」(94分)，8歲老馬唔經唔覺已經近3年未勝，今季4戰最叻亦只得第9，年華老退冇辦法，呢日幕後決定安排告老。「大籐王」一生7捷，最高殊榮係19年4月贏出G2主席錦標，在港獎金逾2,100萬。

另外，表情王5捷馬「牛角仔」，本周一出戰拚到流鼻血，索性除名。羅廐73分馬「辣臣」則是上季尾上陣後到現時仍未見披甲，健康問題嚴重，雖是5歲壯年，也無可奈何退下前線。至於方仔剛周三本來有份上陣、最後因左前腿不良於行退出的「兩全其美」，今日更退埋役。尚有容天鵬6戰全敗的「太白山」及何良5戰不勝的「特登」唔玩。