【百週年紀念短途盃】爆！當家猴王首勝一級賽！

第3場1200米一級賽百週年紀念短途盃爆出全場次冷門，「當家猴王」喺何澤堯胯下雖然末段受到「顯心星」挑戰，但依然頂到尾爆出18倍冷W，亦係韋達從練以來第1次贏得一級賽殊榮，之前佢最叻只係贏G3咋！「當家猴王」雖然屢次於分級賽跑近，但一直與頭馬無緣，正如韋達於賽前講，此駒表現一向忠心穩定，但實力稍遜一線精英少少，但只要對手於陣上稍有差池，佢就有機會偷襲成功。

賽後，韋達話好開心贏到從練以來首個G1，「當家猴王」一直以來表現忠心，喺分級賽維持穩定表現，上仗因為同場有意外發生影響際遇，但都跑到第5名。「當家猴王」跑完香港短途錦標之後上從化抖抖，1月中試咗課閘，佢認為狀態托弗，今場當然都有得跑。今場致勝關鍵係何澤堯喺轉彎處移出外疊衝刺無塞車，際遇好咗好多，而且騎者發力點好，末段鬥得出色，騎功已經係專業水平喇！

今場跑第2名為「顯心星」，「旺蝦王」跑第3，第4名為「福逸」。

第3場賽果：5-1-4-2

組合獨贏3揀1賽果：A3(最後賠率5)

二重彩賽果：5-1(最後賠率14)