東網電視
更多新聞短片

「狂舞派」馬主周邦華(左)剛於拍賣會大手入貨,今晚當然期望有頭馬慶祝。
近年有好多資深馬主,投身馬販行列,一於將自己嘅專業知識同顧客分享,而由星期一至今日,一連3日嘅新西蘭卡拉卡周歲馬拍賣會,亦都見唔少香港買家名義入貨,當中資深馬主周邦華,近年佢響香港買馬市場都好活躍,而呢個卡拉卡拍賣會,佢就成為大客,事關佢響呢個拍賣會,一口氣買咗9隻周歲馬仔,價錢有平有貴,其中最高價嘅就係Lot580,出自「小法寶」嘅棗色雄馬,價錢係32萬紐元。
拍賣會響今日圓滿結束,既然入貨順利,今晚第9場名下隻「狂舞派」能夠贏埋,肯定就更加稱心滿意,而呢匹馬亦係馬主當年喺新西蘭周歲時入貨,來港服役表現亦唔錯,今季響周俊樂胯下,爆出31倍大冷W,雖然上次表現麻麻,但受制於慢步速下,直路一段響馬群之中,走勢並非太利落,呢次原裝人馬捲土重來,睇吓可唔可以再次帶來驚喜表現。