東網電視
更多新聞短片
上個馬季最後一場賽事，由「安遇」爆出199倍巨冷為馬季埋齋，無論現場馬迷抑或坐喺電視機前面嘅人，無不嘩嘩聲。199倍真係好冷，但翻查資料，「安遇」呢一爆距離香港賽馬上最冷頭馬，可謂蚊髀同牛髀嘅差別。
香港賽馬有紀錄以來最冷嘅獨贏派彩，係2001年10月13日嘅「百勝福星」，冷至318倍。位置方面，最冷係1978年2月9日「麗驥」，呢個披士冷到300倍。
至於最冷連贏派彩係2017年3月5日「天合」搭「中游新星」，派$23,863。最冷位置Q派彩係2000年5月24日「快馬飛馳」搭「桃花盛」，派$6,085.5。
至於史上最冷三T派彩，係2003年8月31日，每10元派$155,578,703，當年有5元以電話投注命中，另外2元以現金投注命中，唔知呢筆錢依家使晒未呢？
香港賽馬派彩紀錄：
