田泰安首次回應失去浪漫勇士帥權！

前日(26日)三冠大賽次關2000米G1香港金盃，沈廐「浪漫勇士」同馬王「金鎗六十」再次對壘。由於是仗為「浪漫勇士」首本路程，所以賽前此駒成為大熱門，不過「浪漫勇士」最後飲恨奪亞，敗於「金鎗六十」蹄下。賽後沈集成和田泰安都畀人影到面無表情咁翻睇賽事片段。據悉幕後已決定下仗換人，意味住田泰安失去帥權。

今晨(28日)田泰安晨課期間，亦都首次回應失去「浪漫勇士」一事，佢表示「浪漫勇士」其實喺賽前係少咗1課快跳，但呢個都唔係落敗藉口，而「金鎗六十」本來就係唔容易應付嘅對手，加上佢亦贏過香港金盃，當然值得尊重。田泰安指，雖然自己下仗未能再為「浪漫勇士」效力，但感謝馬主同沈集成將「浪漫勇士」交予佢執韁，自己在港多年，亦都明白香港馬圈運作，自己當然希望「浪漫勇士」可繼續發光發亮，亦都希望可以遲啲有機會可以再騎番「浪漫勇士」。