東網電視
更多新聞短片
1/11
踏入季尾，冠軍練馬師之爭開始鬥得激烈，爭標組蔡約翰與羅富全今日頭場即埋身肉膊，結果一對同主馬包辦連贏。羅富全馬房「爽快」喺蘇兆輝胯下以1.8倍大熱門身份取得連捷，蔡約翰與巴度合作嘅「烈風」跑第2。練馬師榜形勢，52W嘅蔡約翰依然帶頭，而羅富全則以46場頭馬居於第3位，第2位則為47W姚本輝。
賽後，羅富全話「爽快」今場形勢與上場相若，不過今次跟守放頭馬外側二疊，而「爽快」有時會慢閘，所以提醒蘇兆輝出閘要Sharp啲，今場出閘順利，雖然孭重磅，但都克服到，而此駒下仗應出戰5月10日二班1650米泥地。馬主蕭劍平表示今場係成為馬主以來，首次個人名義愛駒包辦連贏，而今場佢對「爽快」比較有信心。
今場跑第3名為田泰安「皮具之星」，布文「無心睡眠」後上第4。
第4場賽果：2-4-7-3
組合獨贏3揀1賽果：A1(最後賠率1.4)
二重彩賽果：2-4(最後賠率11)
