東網電視
更多新聞短片
1/5
第3場四班1200米鬥到非常激烈，艾兆禮「知道長勝」、希威森「球星」與巴度「快狠準」並排衝刺，呢啲情況除咗靠運氣之外，仲要鬥邊位騎師夠硬淨，結果艾兆禮鬥贏勝出，而希威森與巴度兩駒經影相之後獲判平頭亞軍，不過，過終點後研訊及抗議，事源「球星」與「快狠準」於末段有啲觸碰，最後裁定「快狠準」阻及「球星」而被貶為季軍，「球星」獨食亞軍。今場跑第4名為艾道拿「大英才」。
賽後，練馬師沈集成話「知道長勝」上場狀態未足，潘頓發揮固然出色，亦打咗好多鞭，隻馬都展現出好鬥心，今場賽前艾兆禮一早睇晒片，佢提艾兆禮，只要提醒隻馬就會交出好好反應畀你。「知道長勝」啱啱先3歲，今場要增程1200米兼外檔起步，預咗早段要走二三疊望空，如今克服眾多難度贏馬，相信前景唔錯。「知道長勝」需要時間成長，希望下年轉4歲，體重可以重多40至50磅，而呢匹馬血統好，周歲價40萬澳紙，但馬主之後出80萬澳紙(約395萬港元)買番嚟。
第3場賽果：2-4-12-7
二重彩賽果：2-4(最後賠率43)
希威森鬥輸...
沈集成認為「知道長勝」前景好好。
沈集成覺得艾兆禮好掂。
巴度鬥輸仲要畀人告甩埋個平頭亞軍。
