東網電視
更多新聞短片
近幾年元旦日，蔡約翰派兵都有水準，好似「以奇用兵」、「勝得精彩」都曾經捧走主題盃華商會盃，而今次蔡廐一樣係有備而來，「紅運帝王」爭盃固然有分量，另外「氣勢」、「連連勝利」及「一定美麗」都有機會，新年新開始捧冠軍級蔡約翰，係一個甚佳選擇。
第7場「紅運帝王」上季曾4捷田草1400米，包括壓下今季贏G2的「永遠美麗」，可見此程實力雄厚，今季一出即於同程入Q，只是上場孭135磅輸較遠，敗後兩試大閘，近課跑第1名重拾佳態，今次由田泰安接手，絕對有力攻下此場G3。
第9場三班田草1200米的「氣勢」，出道以來3戰非冠即亞，上回升三班未能頂住後勁甚強的伍廐「綠族無限」，今回再出力足補中，蔡廐質新馬大多能扶搖直上，相信此馬亦不會例外。
第10場三班田草1400米的「一定美麗」，近4仗跑獲2亞2季，今回縮程而來有望賺到卡士，用王牌決心大。況且「美麗」系馬早前較沉靜，但剛剛已有「美麗歡聲」爆大冷勝出，郭少明夫婦亦有到場拉頭馬，睇吓今次可唔可以由2023年贏到2024？
蔡廐尚有「連連勝利」及「安泰」兩匹剛跑亞軍馬再臨，「連連勝利」重返勝途田草1200米，至於「安泰」直路力追「連連歡呼」是好賽績，看來坐正機會甚大。蔡約翰2024年首日咁多好馬，大家唔係唔買啩？
