東網電視
更多新聞短片
1/3
由於昨晚跑完夜馬關係，加上8時15分才舉行泥地試閘，大部分騎師索性瞓晏少少，畢竟農曆新年賽期密麻麻，10日內要跑4期賽事，爭取時間休息吓亦無可厚非，惟潘頓今早卻甘願捱眼瞓，天未光便到場，並只係操了一匹馬，並於大圈快跳800米，然後便回家小休，而此駒正是出戰周日沙田賽事第2場的「飲杯」，重視程序可見一斑。
需知「飲杯」賽前3課試閘共獲2冠1亞，走勢俱吸睛，父系普遍都早熟，初出絕對有權監生吞，難怪吸引潘頓垂青，而今早人馬快跳時，見希斯兩父子在烽火台睇到指手畫腳之外，其後練者亦特登走去草地度位，似乎正盤算此駒如何應付最窄的草地C+3賽道，戰意擺晒在眼前！
潘頓今早捱眼瞓到場操「飲杯」，重視可見。
希斯睇到指手畫腳。
